අද නූතන විද්යාවේ පැවැත්ම සපුරාම පාහේ රඳාපවතින්නේ අන්තයන් හඹායාමෙහි ය. අන්තයන් හඳුනා ගැනීමෙහි ය. අන්තගාමී තත්ත්වයන් යටතේ කරනු ලබන නිරීක්ෂණයන් සහ ඒවා ගැන කතන්දර ගෙතීමෙහි ය. භෞතික ලෝකයේ ඔබගේ දෑත් මානයේ පවතින තත්ත්වයන් සහ නූතන විද්යාඥයන් සතුව පවතින තත්ත්වයන් සසඳා බැලීමෙන් ඔබට මෙය පැහැදිලි වනු ඇත.
ඔබේ වපසරියේ පවතින කුඩාම සහ විශාලතම භෞතික තත්ත්ව කෙතෙක් ද?
දිග?
ස්කන්ධය?
පීඩනය??
උෂ්ණත්වය???
කාලය??
වේගය????
වෝල්ටීයතාව????? (විභව අන්තරය)
විද්යුත් ධාරාව??????
ආලෝක තිව්රතාව (Intensity)
ආලෝක වර්ණාවලියේ පරාසය
ඝණකම
පෘෂ්ඨයක රළුබව
සංඛ්යාතය
ආම්ලිකතාව / භාෂ්මිකතාව
යනාදී මෙකී නොකී සියලු භෞතික පරාමිතීන් කොතරම් පරාසයක, කෙතෙක් නියතව (Precise) හා නිවරද්යව (Accurate) පාලනය කිරීමට හා මැනීමට අැති හැකියාව මත ඔබේ විද්යාවේ වපසරිය රැඳී පවතින බව වටහා ගන්න.
මේවායේ අන්තයන් සොයා යාමට ඔබට තාක්ෂණය අවශ්ය ය. තාක්ෂණයේ දියුණුව නොමැතිව විද්යාව පවතින්නේ නැත. ඔබේම අනන්ය තාක්ෂණ ක්රමවේද, ඔබේ විද්යා කතන්දර වලට අගයක් සහ වලංගු භාවයක් ලබා දෙන අතරම, සියලු ආකාරයේ නූතන විශ්මකර්මයන් සඳහා ඔබට අවශ්ය ආම්පන්න කට්ටලය ලබා දෙයි.
විද්යාව ඔබ කරා පැමිණියත් නවීන අග්රගණ්ය තාක්ෂණයන් ඔබ කරා නොඑන්නේ මේ හේතුව නිසයි. තාක්ෂණය ඇත්තවුන් එය බුද්ධිමය දේපල හෝ ගුරු මුෂ්ඨි සේ තබාගෙන මුදල් උපයති. ඒ හෙයින්, සුරංගනා කතා ලෙස විද්යාව ඉගෙනගන්නා ඔබට ආම්පන්න කට්ටලයෙන් සන්නද්ධ වීමට කාලය පැමිණ අැත.
නවීන අග්රගණ්ය තාක්ෂණයන් යැයි කියන දේ සියල්ල කවරෙකු විසින් හෝ, බොහෝ විට ඔබ වැනිම කිසිදු උපකරණයක් හෝ හවුහරණක් නොමැති පුද්ගලයෙකු විසින් බිංදුවේ සිට ගොඩනැගූ දේවල් බව තේරුම් ගන්න.
අන්ත වාදීවන්න.. ඔබ සිතනවාට වඩා බොහෝ දේ ඔබට කල හැක.
ගෙදරදීම, ලංකාවේ දීම කොතරම් පරාසයක භෞතික තත්ත්ව ඔබේ වසඟයට ගත හැකි ද යන්න සිතා බලන්න. මේවායින් කිසිවක් ලාංකිකයන්ට අපත්ය නොවන බව මම කියමි.
මා විසින් දකින, ඔබටත් මටත් කල හැකියයි සිතෙන දේ මම මෙහි බෙදා ගන්නම්.
භෞතික ලෝකය ජය ගැනීමට සංවිධානාත්මකව එකතු වීමට කාලය පැමිණ ඇත.
මම ඔබට අභියෝග කරමි. තීරණය කරන්න.ඔබත් මගේ අන්තවාදී සංවිධානයට බැඳෙන්න සූදානම් ද??
Comments
Post a Comment